Psa 125 | KYG | STEP | Ala kava nefeke'mo apakesamo afi'a fatago nehaya vaya'mogimo Saiyoni avegana hu'a mai'nae. Saiyoni avemo'a kanage kanaga osuno lokiya vaino nehaneya kava hu'a mai'nae.

Psalms 125

Mono notegamo ugefe nehaiya vaya'mo kate'mo nehai'apae'mo nehaya yokemae

1 Ala kava nefeke'mo apakesamo afi'a fatago nehaya vaya'mogimo Saiyoni avegana hu'a mai'nae. Saiyoni avemo'a kanage kanaga osuno lokiya vaino nehaneya kava hu'a mai'nae. 2 Avemo'mo Yulusalemu taonimo faino ku aino ate'niya kava huno Ala kava ne'mo'a vaya'amo faino ku aino ne'apateyanageno muki afina'ae'mo faino ku aino apategaiye. 3 Hosu vaya'mogimo muki afina'mo alagepa vaya'ai mopale'mo yagai'a o'apategae. Alagepa vaya'mogimo hosu kava'mo osisayafe'mo muki afina'mo hosu vaya'mogi yagai'a o'apategae. 4 Ala kava nene, hu'na, gekamo akame nehaya vaya'aitegamo kanale kava'mo huvo. 5 Ala kava ne'mo'a alagepa ka'mo atale'a kayagi kayaga kate'mo ne'vaya vaya'mo apavalelino visige'a hosu kava'mo nehaya vaya'e'mo magokepi lokae'a ugae. Isaleli vaya'mogitapae, hu'na, Ala kava ne'mo'a lapa maenagetapa yuna lapaipamo kalitapa maiyo.